詩雅爆發小宇宙鑽研傳心術

英皇藝人詩雅好學不倦，趁有時間報讀有關寵物的課程，她覺得最難學是寵物傳心術，幸好自問有天分，曾透過一張相就知貓咪的過去，令人匪夷所思！

詩雅忙完電影宣傳後，最近又忙於返學讀書，好學的她說：「我早前學西班牙話，依家讀緊寵物傳心術同美容，我好鍾意動物，所以我想做啲同佢哋有關嘅嘢。」她形容寵物傳心術比西班牙話更難學，皆因這門學問並非夠勤力就能學有所成，她說：「真係要靠自己嘅『小宇宙』，要有天分！」

問到可有成功個案？詩雅自豪地說：「都有！有次朋友畀張貓相我，我好畀心機睇，點知個腦突然出現紅光，我都覺得好新奇。」追問下，原來朋友經常和貓貓玩羽毛，而該條羽毛正是紅色的。

儲錢開舖救流浪貓狗

至於攻讀寵物美容，主要是寓工作於娛樂，為將來開寵物美容院鋪路，不過詩雅開舖最大目標是可義務幫助流浪貓狗變靚，令失寵動物早日覓得好歸宿。談到其宏願較難達成，她亦有同感：「我知，但做得幾多得幾多，我睇到啲流浪貓狗咁可憐，真係好想幫佢哋！」她相信要花幾年時間，才夠錢開舖頭幫流浪貓狗，現時可做的只能勸喻朋友及歌迷不要買寵物，選擇領養。