徐子珊啜奶驅寒

徐子珊及吳卓羲（Ron）早前捱冷到荒山野嶺拍攝新劇，Ron凍到鼻涕結冰，要出動阿媽靚湯滋潤，而子珊落山後即拿起熱奶起勢啜。

徐子珊及吳卓羲早前到馬鞍山郊野公園拍攝新劇《法證先鋒Ⅲ》，他們飾演重案組探員，率領探員沈震軒、陳志健及鄧永健在山頭蒐集證據，並要在崎嶇的山路上行走，因現場非常寒冷，氣溫低於10度。他們拍畢每組戲便即穿回厚褸，Ron笑說：「凍到鼻涕都結冰！（成日返內地都未凍慣？）凍就係凍，都驚病o架！好在阿媽有煲湯滋潤吓！」

身體好頂得順

至於子珊亦被冷風吹到面部通紅，但她表示身體好不怕病：「我狀態都OK，唔驚病，套劇都有唔少武打場面。」提到兩年多前拍攝的劇集《仁心解碼》播出，她表示甚有信心，因劇中有不少真實案例均甚有追看性，對於被指樣貌有變，她笑說：「即係話我靚咗？成日都咁講o架啦！唔使理！」而港男出身的陳志健飾演探員，他表示未有機會騷肌，但不介意拍落水戲露肉。

其後一行人返回市區會合沈卓盈繼續開工，吸引不少市民圍觀，只見子珊落車後即啜熱奶取暖，但不時有寒風吹過，由於他們只穿單薄戲服，故依然凍得打冷震。