呂方通淋巴趕走肥頸
事隔4年，呂方將於3月10及11日再踏紅館舉行《呂方TOUCHING MOMENT演唱會2011》，以歌會友的他，寧願犧牲農曆新年假期，決定留港積極練歌，他表示每天都會預演個唱一次，唱到歌曲滾瓜爛熟外，亦令聲音更開更響！
除了注重歌藝外，實力派的他誓以最靚仔一面示人，故他已積極減肥：「節食對我嚟講都幾辛苦o架，因為我好鍾意食，之前去杭州，我幾攰、幾夜都要去搵地道美食，返酒店前又要去便利店掃啲小食返房再食過！」問到覺得哪個部位最肥？呂方說：「係條頸最肥啦！我諗住試通淋巴，我覺得係水腫，條頸先會咁脹，希望推完淋巴去咗水，條頸會瘦番啦！」
呂方十分為食，要他為個唱節食減肥，可謂犧牲甚大！
呂方返酒店前都要到便利店掃零食。