連詩雅拍拖唔吼靚仔

薛凱琪師妹連詩雅（Shiga）近年不時與師兄周柏豪合作，Shiga坦言視對方為哥哥，沒有發展機會，並坦言不敢與靚仔拍拖：「好冇安全感！」

新人連詩雅日前與周柏豪到元朗工作，由於她患有耳水不平衡，回程時嘔吐大作，嚇得同車的柏豪呆若木雞，Shiga說：「因為耳水不平衡，搭車、搭船同坐飛機都會暈，不過聽人講揸車嘅人好少暈車浪，所以今年要的起心肝考車牌，之後就儲錢買車。（叫媽咪資助？）唔會，幾年前我已經自力更生。」

「可能我唔夠吸引」

剛在兩大頒獎禮上勇奪新人獎的Shiga被問到有否拍拖？她說：「冇呀！不過未入行時，好多人都話娛樂圈有好多誘惑。」隨即又笑說：「可能我唔夠吸引！」對於所屬的華納唱片公司有靚仔周柏豪、方大同及周子揚等，Shiga說：「大家好似一家人，唔會異性相吸，當佢哋係哥哥。」

由於Shiga多次到球場欣賞柏豪打籃球比賽，問到是否對他有好感？Shiga笑說：「冇可能啦！不過近年真係同柏豪合作好多，可能大家同一間唱片同經理人公司，接觸比較多，反而喺佢身上學到好多嘢。」不過Shiga續說：「唔敢同靚仔拍拖，因為好冇安全感！」