阿B200蚊「鮑」團年飯

樂隊溫拿前晚出席電台為他們舉辦的團年飯局，事前鍾鎮濤（阿B）接受以200元買好餸的挑戰，他說：「今次真係碌爆咗人情卡，買到鮑魚、蝦、蟹同埋髮菜，之後仲剩番幾十蚊！」至於譚詠麟則透露溫拿日日練歌：「之前話要唱俄文歌，其實我哋練好，不過冇人聽得明，所以留番去歐洲巡迴先唱啦！」對於好友曾志偉丁父憂，阿倫有感對方情緒低落，暫不再致電打擾他。