馬姐冠軍王淑玲燒到樂壇

馬來西亞小姐冠軍王淑玲（Sherine），獲曾與鍾鎮濤合作的著名音樂人聶安達（Anders）賞識，二人合作推出發燒碟，Anders說：「佢有天分，把聲好聽好Sexy，唱Live冇問題，好過好多新人。（寫歌畀佢？）構思一齊寫一首歌，因為要經歷過先唱得有Feel。」而Sherine則說：「以前有代表學校唱歌表演，但冇諗過會發展成事業，反而去咗選美！」

Sherine表示公司有意將其靚聲放上YouTube，讓樂迷先聽為快。她還透露稍後會拍攝性感廣告：「唔介意性感，性感得嚟要有Taste同Fashion味道，我遲啲同美容院拍廣告，同男模有大膽演出，男模攬住我，用手臂遮胸！」

著名音樂人聶安達大讚王淑玲聲靚，並將合作推出發燒碟。

王淑玲不介意性感，稍後會拍攝僅被男模手臂遮胸的大膽廣告照。