鄧穎芝裝假狗谷3吋事業線

鄧穎芝闊別樂壇三年再度重錘出擊，早前簽了經理人合約的她，近日自資六位數製作全新專輯，並自爆「攝」紙巾谷出「咪咪」！

鄧穎芝（Vangie）跟經理人公司簽約後，近日自資數十萬元製作全新大碟，預計今年五、六月推出。日前Vangie以一頭金髮，為新歌《變臉》拍攝宣傳照，又穿上一件低胸內衣谷胸上陣，令一向「冇料」的她頓時露出三吋「事業線」，可謂變幻莫測。

但Vangie竟自揭底牌，她沾沾自喜地說：「當日影完相，我同化妝師、髮型師圍埋一齊睇相，但點睇都覺得爭啲嘢，最後個女化妝師幫我左攝右攝啲紙巾谷大個胸，點知出到嚟個效果好好！」問到今次是否性感出擊再戰樂壇？Vangie說：「又唔算，我今次比起好多人只係好小兒科，而且我性感都冇咩嘢睇啦！好開心啲相出到嚟性感又唔鹹濕！」

否認MV抄GaGa

為了拍攝這輯照片，Vangie事前用了兩、三個月時間打泰拳及跑步減肥，令身形更好看。此外，她自爆有網友指其新歌MV涉抄襲Lady GaGa，但她強調MV是個人構思，並沒有抄襲。