擔心多口破壞婚事 超盈感情低調等嫁期

曾公開宣稱會與男友Greg結婚的何超盈，雖然早前傳出分手，但兩人愛得如膠似漆，超盈表示結婚計劃不變，更將感情低調，怕破壞婚事！

時裝品牌MOISELLE旗下mademoiselle昨晚於會展舉行2011春夏時裝展，由16位模特兒展示逾50套以鮮明顏色作主打、表達法國少女油畫家感覺的春夏新裝。品牌邀請賭王何鴻燊四房長女超盈、文詠珊、「小巨肺」林欣彤、模特兒莊思敏等出席。超盈直言新年會帶男友Greg向爸爸拜年，自爆男友聖誕節已送頸巾給賭王。

對於去年出席該品牌時裝展時，她曾表示會跟男友結婚，超盈坦言計劃冇變，問到是否今年成事，她說：「你哋再亂寫，我分分鐘結唔成。（男友花弗？）公司同家人都畀壓力佢。（保護男友？）係，私人嘢要低調。（今年結婚？）兩年後畢業先考慮。（你好信男友？）咁樣對人唔公平，解釋即係唔低調。」記者指她很愛錫男友時，她不禁甜笑。而超盈再次否認家傭中六合彩的傳聞：「唔係我屋企！（Daddy屋企？）總之我問過佢哋，冇人中，我都想知邊個。」

莊思敏唔見錢

另外，在微博自爆遺失一千元的莊思敏說：「銀包原本有二千幾蚊，食飯埋單時先發現唔見咗一張，如果早啲發現就可以搵到，因為係新銀紙有跟號碼！我個袋仲有一萬蚊，好彩放喺信封，偷嘅人先發現唔到。（帶咁多錢喺身？）係攞去吉隆坡畀媽咪。」