張智霖處男紅館騷自爆加場
張智霖（Chilam）昨日舉行《Neway張智霖我係外星人Chilam In Concert 2011》記者會，宣布3月26日首次在紅館舉行演唱會，心情興奮的他衝口而出自爆開兩場個唱，事後他急補鑊：「其實內部訂購真係爆晒！當然希望加場！」而唱片公司行政總裁Kevin Wong則送上激光劍給Chilam，寓意個唱大發光芒，賣個滿堂紅！
為配合個唱主題，Chilam昨日花心思用了近兩小時倒模一雙「外星耳」亮相，令全場嘩然！他說：「我一直對外星人好有興趣，不過屋企人成日聽唔明我講嘢，佢哋有時唔想聽我講嘢會掩耳仔同扮聽唔到。」雖然不肯透露請誰做嘉賓，但他事先張揚會大晒十二舊腹肌及載歌載舞。問到會否向好友郭富城取經？他笑說：「佢得六舊，我要十二舊，總之一定令大家耳目一新！」
戴上「外星耳」的Chilam，手執激光劍，以一副外星人Look示人！