Fiona疑似真空惡鬥師妹
薛凱琪（Fiona）、官恩娜（Ella）、鄭融及連詩雅等前晚出席網站頒獎禮，當中Fiona鮮有以性感裝扮亮相，與師妹連詩雅齊齊鬥性感！身穿D&G低胸裝的Fiona，更疑似真空上陣，她亦不置可否：「呢啲唔答，係女仔嘅秘密，總之安全啦！最緊要靚！（效果咁好，Keep住行性感？）唔會刻意，啱場合先會咁着！」頒獎禮上，她連掃歌曲獎及廣告歌獎，令她相當開心：「最開心係首歌贏得小朋友歡心！」
拒評論祖名「小龍女」
近日有報道指房祖名與吳綺莉女兒「小龍女」似樣，問到有甚麼意見？Fiona表示只會回應與她有關的新聞：「就算問到我同祖名或方大同嘅緋聞，我都會照答，不過唔會回應朋友家人嘅新聞，因為我覺得要尊重對方，唔會攞嚟講笑或評論！」
Ella捧獎而回，笑到變「官四萬」。
鄭融載歌載舞，令現場氣溫急升！
連詩雅「露兩手」，力挽狂瀾！
近日天氣乍暖還寒，但Fiona已急着展示最新春裝，身穿D&G碎花吊帶裙，帶點性感嫵媚，加上粟米仔曲髮造型，令人眼前一亮！