偉仔嘉玲情信放床邊

原來劉嘉玲與梁朝偉私底下相當傳統，多年來也有互相寫信的習慣，嘉玲自爆會把情信放床邊，更有意放入保管箱收藏，待「貨不對辦」時拿來當證據。

劉嘉玲日前宣傳賀歲電影《最強囍事》，很久沒有拍喜劇的她，自嘲沒有搞笑天分，因為她覺得好笑的事，別人也不太認同。對於拍檔甄子丹自認有喜劇細胞，嘉玲笑說：「唔係啩？如果佢有，我仲有啦！大家都錯晒，唔係佢慢就係我快，可能咁樣撞埋一齊幾搞笑。」

嫌短訊冇感情

雖然只有四日戲份，嘉玲於片中有空姐、作家和模等造型，但她直言未夠喉，對於模造型，嘉玲笑指沒加意見，只說：「事業線我有，只不過感覺唔同，年紀相差太遠，不過好玩。（偉仔有冇見過？）我諗有，都要『骨』一聲吞落去，可能唔敢笑。」

對於作家造型，嘉玲表示現實生活也愛寫作，與偉仔經常互相通信：「都幾浪漫，表達又徹底，內容肯定明，因為用詞好靚，值得收藏，咁多年大家都會放床邊，短訊反而冇感情，所以過節我會打電話，聽聲會好啲。（噴香水喺信紙？）唔講，我覺得應該，係情趣嚟嘅！我放喺保管箱收埋，因為有收藏價值，第時貨不對辦就攞出嚟！」近期兩度公開獻唱，嘉玲謙稱只限友情客串，個人演出免問。

文:影視組　攝:劉智源