Amanda S.問准老公膊命露

快將出嫁的名模Amanda S.前晚出席開幕禮時真空上陣，還人前跌帶！她笑言老公未有限制，婚後會繼續行性感。

名模Amanda S.前晚出席「奧迪九龍陳列室」開幕禮，見證全電動超級概念車登陸香港。嚴寒下仍以真空吊帶裙示人的她，與Lisa S.合照時突然跌膊，艷煞全場，但她坦言不覺冷：「因為我好鍾意呢條裙！（真空？）你估戴唔戴到Bra呢？」她強調擁有多年模特兒經驗，雖然沒有黐膠紙，但也不怕走光，問到是否婚前要盡情性感，她說：「唔係！婚後都可以，又唔係Cheap Cheap哋，老公話性感唔緊要，最重要有禮貌。」

舊愛開騷 伊健開心

向來愛車的伊健對Audi e-tron甚有興趣，鍾情其夠環保。談到稍後舉行的個唱，他開心地表示將會加場，提到舊愛梁詠琪先他一步開騷，伊健說：「戥佢開心，佢都好耐冇開騷！（會唔會做佢嘉賓？）唔會喇！各有各忙排練。」

同場的君如剛由新加坡宣傳《我愛HK開心萬歲》返港，不慎患感冒，但仍堅持親送女兒返學放學。提到被指搬往淺水灣新居為追第二胎，她拒透露搬到哪裏，並強調從不為女兒入名校而搬屋，也不會增添女兒壓力。

文：影視組