阿嬌祝萱萱做個靚新娘

昨日Selina終於出院，不少港星及粉絲紛紛在微博送上祝福，身在內地拍劇的鍾欣桐（阿嬌）明天生日，故將自己的生日願望「送」給Selina，祝福她與未婚夫阿中幸福，做個漂亮新娘子。而嫁到台灣的創作女歌手傅珮嘉表示，邊看電視直播邊落淚，張栢芝亦透過官網留言：「加油，好姑娘！」

薛凱琪由衷佩服

至於薛凱琪表示佩服Selina的勇敢及充滿正能量：「當全部人擔心佢嘅時候，佢反而出嚟笑住開記者會交代一切，真係好敬佩佢！」謝安琪亦大讚她「叻叻」：「佢面上嘅笑容，唔單止係靚，仲令人好有信心，呢個笑容可以令佢捱過好多難關，祝佢早日康復！」孫耀威則表示Selina的情況比想像中好：「相信佢完全康復後，留番長頭髮同減肥，一定可以好似以前咁靚女！」

此外，曾與Selina合作的Square成員何尚謙表示，是次意外警惕業界要更小心處理一些危險場面。而樂隊Mr.則藉此鼓勵大家學習Selina的積極態度，勿因小事輕生。