謙仔否認香閨過夜
羅仲謙及梁烈唯等昨日為劇集《飛虎》作槍戰訓練，獲飛虎隊教官指導。再遭傅穎寸狡猾的謙仔，黑開有條路，槍戰時屢遭狙擊「八月十五」：「Pat Pat畀人射咗三、四十槍，我又唔敢睇，驚一除褲會有隻『八筒』喺度！」對於有報道指他與傅穎「假分手」兼上女方香閨過夜，謙仔予以否認：「好耐冇上去。（假分手？）唔講呢啲，講番工作！（鐵漢都可以柔情？）套劇入面就會。（傅穎冇份？）佢未有份，下次有機會合作咪有份囉！」對於傅穎默認真拍拖真分手及以「小紅帽」自比，謙仔至截稿前仍未回覆。
至於飾演飛虎隊隊長的馬德鐘因病缺席，他受訪時透露早前因感冒菌入心導致心肌炎住院四日，尚未完全康復的他，因趕拍劇集而提早出院：「早幾日我扁桃腺發炎，發冷發熱，之後有啲暈同心跳不正常，喺醫院時喉嚨痛到食唔到同飲唔到，只係吊鹽水，依家都要食住抗生素！」
謙仔否認到傅穎香閨過夜，亦拒將「鐵漢柔情」轉贈對方。（設計對白）
與宣萱再次合作的馬德鐘，因病缺席訓練。（資料圖片）