傅穎擺小紅帽上枱寸「狼謙」狡猾

傅穎去年底直斥緋聞男友羅仲謙「講嘢冇句真」，昨日出席活動時再以童話故事《小紅帽》形容她與謙仔的一段情，未知氹她「落疊」的狡猾豺狼暗指何人？

傅穎（Theresa）去年底推出唱片前曾遭狂徒毀壞寓所玻璃，需報警求助；其後又公開指摘同公司的緋聞男友羅仲謙「講嘢冇句真」，惹來「炒新聞」及「作料」博宣傳疑雲。昨日再有指她與謙仔「假分手」，男方更於日前到其香閨過夜。她昨日到荷里活廣場出席活動時，被問到與謙仔「假分手」一事，有備而來的她立即澄清，並拿出手機展示寓所玻璃及警察到場錄口供的照片：「呢兩個月畀人話我作料、作新聞！包括我同羅先生件事，我講過佢講嘢冇句真，如果唔信可以問男主角，佢冇做過可以叫佢否認！」

盡訴心底話鬆口氣

問到是否被謙仔的謊言欺騙？她欲言又止：「我唔想再講，大家覺得我屈羅仲謙一腳踏兩船，我一路講真話大家都唔信，我只係普通女仔，仲要我行出嚟！（當面對質？）唔需要，唔信可以問番男主角！（佢上你屋企過夜？）唔再講，總之我好耐冇見佢！」再問到與謙仔是否「真拍拖真分手」時，Theresa默認：「大家都估到啦！唔使親口講！（感情過咗去？）係！（公司叫封口？）冇！公司都知咩事，好支持我！（最Hurt今次？）唔想再講，今次係《小紅帽》嘅故事，我唔會再犯！」

記者致電Theresa，問她是否清楚了解《小紅帽》的寓意，她表示只希望講出個人感覺及睇法。問到若她是「小紅帽」，誰是大灰狼？她說：「唔想再講！（你被食咗？）我未死喎，仲好好哋活着！（同佢拍過拖？）心水清嘅人自己諗，總之係過去式！（佢哀求你？）唔答！總之講出心底話後鬆一口氣，成個人舒服咗！」

文：影視組