巴士車呔皮飛撞座駕 諸葛梓岐喊驚
昨日諸葛梓岐（Marie）與吳嘉龍為Coach 2011春季男女士系列示範手袋，Marie雙眼通紅，她解釋出席活動途中，發生意外嚇到喊：「我揸車去到半路，突然卡一聲，前面有黑色物體飛落我架車嘅車頭玻璃度，原來前面架巴士爆呔，係車呔皮嚟。我當時只識尖叫同標眼水！」她表示因趕往工作，未有時間將事件告知男友，但媽咪已幫她買了多份保險。另外，Marie與崔建邦緋聞女友Marina V.，日前為《又一城．千兔繪卷迎新春》開幕典禮練舞，其後到Patrizia Pepe揀舞衣。
此外，未來妯娌陳法拉在新加坡宣傳電影後返港，即出席活動搵銀，但否認是無綫吸金王：「仲有佘詩曼！佢搵好多。」她透露農歷新年將到美國登台及探望父母，會派利是給工作人員，問到結婚派雙封？法拉說：「我派大封！（幾時派雙封？）搵多啲錢先啦！（諸葛梓岐話逗到未來奶奶大利是？）佢講嘅嘢，我諗唔使回應。」
與吳嘉龍行騷的Marie，駕車向來小心，今次算是最驚險的經歷。
法拉自爆與男友提早食團年飯。