周秀娜谷胸攻瀛再戰Baby
早前忙於拍戲而忽略日本市場的周秀娜，最近再出動32D巨胸，為日本內衣品牌Embuche拍攝廣告。娜姐以四款谷胸造型冧日本Fans，更落實出席3月5日在東京舉行的Tokyo Girls Collection（TGC），誓要為攻日再次造勢。據知「宿敵」Angelababy日本公司極力要求她出席，屆時兩女可再正面交鋒。
昨日娜姐出席活動時表示3月會在日本開工，但問到是否重視日本市場？她說：「今年都會主力喺香港同內地拍電影，上年為拍戲轉變好大，但知道成績唔錯好開心，希望今年再賺多啲。」娜姐表示沒有統計賺多少，但會買鑽石獎勵自己，男友則送手錶，更不介意自己賺錢比男友多：「我好大食，但佢會養埋我。」而Baby香港經理人Kim說：「日本嗰邊係好想Baby去TGC，但我哋仲度緊期。」