突缺席宣傳 志偉急返台探父
賀歲片《我愛HK開心萬歲》台前幕後前日到新加坡宣傳，惟曾志偉於昨晨突然飛往台灣而缺席昨午的宣傳活動，據其身邊朋友透露，志偉父親身體情況並不理想，而電影工作人員亦被他叫往台灣幫手。
吳君如肩負宣傳重任，在活動上大搞氣氛，她自言飾演賢妻良母，身旁的商天娥即作嘔吐狀，君如反窒她：「佢有咗呀！」而張可頤表示在戲中飾演大明星時，君如又說：「佢做番自己，黑面大明星！」
問到志偉缺席一事，君如說：「志偉冇講咩事。（佢爸爸病咗？）我知，亦都有問候佢，我尋日都覺佢心情沉重，唔係太開心。」
志偉父親曾啟榮是前香港高級警官，70年代初移居台灣，據曾家身邊友人指出：「曾啟榮已年屆九十多歲，器官衰竭，最近可能拔喉，家人都做好了心理準備。」而曾家家人亦已趕到台灣陪伴。
君如（中）與台前幕後到新加坡宣傳。
志偉突然缺席飛返台灣。