陳法拉高空嗌咪玩轉機艙

曾志偉昨午率領賀歲片演員到新加坡宣傳，期間破天荒大搞空中首映，吳君如及陳法拉更化身機長宣讀廣播，搞搞震舉動令乘客又驚又喜！

賀歲片《我愛HK開心萬歲》一班演員包括曾志偉、吳君如、陳法拉、張可頤及高海寧等，昨午到新加坡宣傳，諗頭多多的志偉發起在機艙舉行36,000呎高空的首映，機艙上的電視突然播出電影預告片，其後眾星一擁而出，令乘客大感驚喜，爭相索合照，小朋友又企上座位，一度令狹窄的機艙混亂起來。臨降落時，搞笑的君如更化身機師宣讀廣播：「新加坡天氣炎熱，高達攝氏100度，熱到趴街！」

君如大讚空中首映夠新鮮，問到初次入機長室的心情，她說：「開頭好輕鬆，點知佢喺咁講點逃生！（點解係你入去？）佢哋邀請兩個美女，咁我舉手夠快！如果係高海寧就危險喇！（戲入面成日被人打？）係呀！得一個鏡頭係用替身。（有咗？）又講！唔係呀！」陳法拉亦表示是首次入機長室，問到兒時的心願是否做空姐？她說：「其實想做機師多啲，型呀！」

恨海陸空三管齊下

至於志偉表示心願是做齊海陸空的首映，對於君如偏幫老公陳可辛的《神》片，志偉信心十足地說：「佢只可以係希望！因為我哋贏梗！」