馬賽嫌錢腥拒赴「飯局」
前港姐馬賽與呂慧儀等昨日錄影慈善節目《東華愛心競技同樂日》，對於盛傳港姐獲邀出席淫媒飯局，馬賽稱未接過有關邀請：「去年加入『慧妍雅集』都未曾出席過港姐聚會，我係宅女又唔鍾意出街，有好多朋友嘅飯局都未食。（有富豪約你食飯去唔去？）唔會！交朋友唔係咁交，為錢而去做，會降低自己人格。（傳聞影響港姐形象？）都唔知係咪真，又冇朋友或師姐同我講過，我選擇唔相信。」此外，昨日在商場與小男孩表演跳拉丁舞的胡定欣，未獲邀出席淫媒飯局，她笑指自己雖未被賞識：「我唔係嗰個Market嘅Target啩！不過我都想外界欣賞識自己嘅演藝事業！」
