林峯恨與Eason同台爭獎
無綫親生仔林峯蟬聯「亞太區最受歡迎香港男歌星」，他說：「真係冇諗過自己再有機會拎呢個獎！（怕畀人話你靠關係？）其實得獎之後一定有唔同意見同聲音出現，我會做好音樂，希望大家慢慢可以認同我！」他更自言十分慚愧，3月將正式推出國語碟，到時才夠膽拿去年的「亞太」獎項出來面對歌迷。
對於未能連奪「最受歡迎男歌星」獎，他說：「兩個都係好重分量嘅獎，是但一個都已經好榮幸！（期待齊人頒獎禮？）希望，我想人人都可參與，百花齊放！（加埋陳奕迅（Eason）競爭大？）唔諗呢啲，希望齊人！」
