DaDa訓練芝娃娃BB隨時啜
o靚模盧頌之（DaDa）的家剛增添了一名新成員Audi，這隻只有2個多月大的長毛芝娃娃，令她一見鍾情，她說：「第一次經過櫥窗，已經對佢一見鍾情，但冇即刻買佢，點知返到屋企仲好掛住佢，同屋企人商量後就決定養佢。」雖然DaDa家中已有雪橇犬及短毛芝娃娃，但再做「媽咪」的她仍十分興奮：「佢係男仔，所以我幫佢改咗個型啲嘅名叫Audi，但佢好黐身，成日驚我唔要佢。」由於Audi仍是BB，加上未打齊針，照顧牠要格外小心：「之前佢未識去廁所，要密啲幫佢清理，有兩日我成日出去做嘢，佢即刻出現少少皮膚病，腳同尾巴啲毛少咗。」
拍攝當日，DaDa全程抱着只有兩隻手掌大的Audi，十足抱着初生嬰兒一樣，而Audi則表情多多，非常可愛，DaDa笑說：「佢好鍾意人哋摸佢腳板，按一按就瞇眼，成副冧樣出晒嚟，佢仲識簡單嘅『Sit』同『錫錫』，訓練到佢真係有好大滿足感！」
由於Audi仍是BB，DaDa抱着牠時格外小心。
DaDa一聲令下叫Audi「錫錫」，牠即哄近「媽咪」嘴邊。
好奇心重的Audi，甫落地即四出八卦，十分可愛。