諸葛晒鑽戒等做末日新娘
台灣藝人徐熙媛（大S）前晚以品牌大中華區首位代言人身份出席《天梭錶Touch of Sailing名人晚宴》，但沒有接受傳媒訪問，而模特兒諸葛梓岐穿BCBG白色長裙出席，並大晒花形鑽戒：「係自己買嘅，舊年工作成績好又搵到錢，獎勵吓自己。」她大讚男友薛嘉麟細心：「我生日佢一定記得，只係有時唔記得拎電話。（咁都知？一齊住？）關係都好親密嘅。（即係同居？）都會有相處時間。」但她否認已在美國註冊結婚：「係你哋都查到啦！（求婚未？）大家有共識。（卡拉OK擺酒？）一係After Party囉！」她又暗示忙到冇時間搞結婚：「啲工作排到11月。（等到2012？）都係好年。（有傳世界末日喎！）……都係好年。」
同場的崔建邦緋聞女友Marina V.被問到真空試衫一事，她表示不會尷尬，又表示與崔建邦有聯絡：「有朋友式慰問。（佢唔自愛？）佢好專注工作，其他事只係唔好彩。」
諸葛大晒花形鑽戒，但強調是自己買的。
大S匆匆到場，未有企定讓傳媒拍照。
Marina V.雖有與崔建邦聯絡，但不知對方已搬家。