柏豪上晒火起勢射

周柏豪前晚於慈善籃球賽上原本沒甚表現，但中途見緋聞女友何超蓮現身捧場，即如有神助連環爆籃攻入七分，一度為球隊挽回劣勢。

台灣藝人陳建州（黑人）發起慈善籃球賽，他率領高以翔、組合JPM的王子、毛弟以及樂隊Circus成員等來港作賽，大鬥本地薑余文樂及周柏豪領軍的橫洲工業隊，比賽前晚於灣仔修頓室內運動場舉行，全場爆滿，不少歌迷舉牌支持偶像。

睇波表情多多

比賽初段，樂仔及柏豪表現失準，多次投球未能得分，直至中場休息期間，柏豪的緋聞女友何超蓮低調走入觀眾席，她睇波時表情多多，不時O嘴又大笑，非常肉緊，柏豪可能得到「愛的支持」，突然發功狂搶波，並連環攻入七分，有姿態有實際。至完場時，超蓮於人群中閃走，未有與柏豪傾偈。

賽後柏豪說：「本身都想叫佢（超蓮）睇，因為係做善事，咁啱佢又想睇。（半場先到？）佢話有嘢做，中場嗰陣，我叫同事出去接佢。（有佢支持發力？）任何朋友嚟支持我，信心都會大啲！」他指超蓮坐VIP位置，亦有捐錢支持，至於另一緋聞女友何超雲前晚於微博自爆「病倒了」，未知是否因此缺席。

黑人膺得分王

結果，以黑人為首的Love Life隊以77比69贏波，黑人成為得分王，共得21分。是次活動共籌得16萬港元善款，將全數捐到「成長希望基金會」。

文：音樂組　攝：黃叔榮