G.E.M.點擊率爆燈金魚嘴吸客

與台灣歌手林宥嘉戀情浮面的鄧紫棋（G.E.M.），正身在男友「地頭」拍MV，昨日她在電話中宣布在YouTube炮製的個人專頁點擊率衝破三千萬，問到會否在台灣密會男友慶祝，她笑說：「密會呢啲私人嘢係唔會提供資料！」

文：專案組

出道兩年的G.E.M.在樂壇成績愈戰愈勇，加上近期被拍得與林宥嘉（Yoga）拍拖，引起不少話題。日前她赴台灣拍攝新歌MV，未知是否在男友「地頭」特別溫暖，昨日更傳來喜訊，自爆在人氣網站YouTube的個人專頁，點擊率成功衝破三千萬大關，令她興奮不已！

G.E.M.表示兩年半前開始將短片上載到YouTube，包括多首MV和生活短片，至今已收藏近百段，對於點擊率達三千萬，她說：「真係好開心！我都係啱啱先知，仲記得第一條片係扮金魚嘴，有呢個成績不枉我花咁多時間同心機！（有冇通知Yoga？）冇呀！呢啲嘢唔使特別講啦！」但當問到在台灣的G.E.M.會否密會Yoga慶祝，她即故弄玄虛，只笑笑口說：「密會呢啲私人嘢，我係唔會提供資料。」其後趁機拉開話題說：「今次主要拍MV，太攰連踩20個鐘，食嘢都冇時間。（咁即係有冇見面？）工作上梗係冇。」

否認公開戀情

不過，日前被台灣傳媒指已親口公開「宥紫戀」的G.E.M.，聞言即大叫「救命」：「救命呀！我冇咁講過，我啲普通話都唔係好差啫！其實我喺香港都係講同一番說話，我只係話人同人嘅關係和諧，但出嚟有唔同版本，總之我冇咁講。」而G.E.M.今日便返港出席勁歌金曲頒獎禮，她表示對獎項有信心，亦滿意今年在各大頒獎禮的成績。