父病情穩定 志偉安心

陳法拉、曾志偉、徐子珊、謝天華和吳卓羲，以《我愛HK開心萬歲》演員身份出席《香港航空Skytrax四星發布會暨香港航空及香港快運周年晚會》活動。曾志偉一臉愁容兼眼現紅筋，他透露身在台灣的父親身體不適，日前飛往當地探病的他已辭任《十大勁歌金曲頒獎典禮》司儀一職：「大家都知我爸爸身體唔好，我四日前飛過去，逗留咗三、四日。依家佢情況好啲。因為之前佢情況唔係咁穩定，所以推咗工作。（咩病？）天氣凍，啲老人病，都94歲嘞！希望下星期可以出院。」問到心情怎樣，他說：「依家OK，係早幾日唔係幾好。」他又透露農曆新年前會再到台灣探父，近日又要為電影宣傳，新春期間又要到新加坡工作。

同場的陳法拉早前被指作產前身體檢查，她說：「我只係循例檢查身體，唔係婦科。（準備生育？）呢啲要準備好多嘢，要心理同身體做好準備o架！我係一個有計劃嘅人，畀人影已經好唔開心，入行後好多呢啲新聞，啲朋友都唔信。」她並表示有意採取法律行動。