巨聲幫奪獎林欣彤冇份
無綫的歌唱比賽《超級巨聲》孕育了「巨聲幫」，林欣彤（Mag）、「將軍澳吳尊」許廷鏗及劉威煌等均備受力捧，當中以Mag人氣最勁，成為多間唱片公司力爭簽約的對象！不過她在今晚的勁歌總選中未能分一杯羹，皆因她仍未有推出自己的歌。
不過，據知「巨聲幫」亦有獎，與鄭融、鍾嘉欣、衞蘭及JW齊齊奪得「最受歡迎合唱歌曲獎」，而「2010年度傑出表現獎」亦是其囊中物，除了官恩娜、陳偉霆外，另一得獎人預料是「巨聲幫」或許廷鏗之爭！
Mag昨日出席改編幾米作品的無綫單元劇《你們我們他們》活動，有傳以四百萬簽約英皇，她說：「其實未落實，自己都唔係好清楚。自己唔奢求金錢，簽約最緊要係睇將來嘅發展路向。」首次拍劇的她可有親熱戲﹖她說：「暫時冇，咁就唔會咁尷尬。」另外，拜神時發生小插曲，有冥鏹在枱上着火，眾人即齊心合力「救火」。
林欣彤備受力捧，但今年與獎項無緣。