譚筠怡台灣行最愛小籠包
榮升珠寶公司老闆的前藝人譚筠怡，一直忙於公司業務。早前她到台灣旅行放假休息，盡情在當地大吃大喝。她表示此行吃了不少地道食品，大飽口福，她說：「小籠包係我最愛，其次就係臭豆腐，平時喺香港啲臭豆腐唔夠臭，同埋香港人多車多，喺街度食又好唔方便。今次喺台灣見到真係冇放過呢個機會，盡情咁食。」而當地的水果亦令她大開眼界，眼見台灣的水果特別大個，亦令她吃個不停，她說：「見到日本柿同啲番鬼荔枝，大個到不得了，仲好甜好多汁。」此行，她亦經朋友介紹下拜訪了一位醫生，幫她治理脊骨問題，她說：「我成日要設計珠寶坐喺工作枱度，搞到腰痠背痛，做完治療真係舒服咗好多。而最神奇係醫生個鄰居養咗一隻好大型嘅豬做寵物，原來豬都可以好可愛o架！」
譚筠怡與小籠包公仔合照。
譚筠怡見到寵物豬，大讚可愛。