周子揚連詩雅下廚鬥水皮
樂壇新人連詩雅（Shiga）日前與師兄周子揚（Hinson），炮製美食慰勞工作人員，不過Shiga被Hinson踢爆廚藝水皮，雞手鴨腳，他苦笑：「大家都好論盡，我仲唔小心『辣』親隻手同埋畀爆谷彈親塊面，好彩冇乜事，最緊要係大家食完之後，都讚我哋整嘅椰皇飯同牛油爆谷好味！」他笑言擇偶必須要懂下廚。
至於Shiga在日前舉行的樂壇頒獎禮成績不俗，連Hinson亦讚她勤力，問到如何獎勵她？Hinson說：「寫首歌送畀佢，或者同佢合唱！（買衫畀佢？）我唔知佢乜嘢Size，費事買錯，我寧願買帽或者頸巾畀佢仲好！」
周子揚擅長玩樂器，大可作歌與師妹合唱。
難得Shiga親手餵食，周子揚即飛擒大咬！
Shiga在頒獎禮成績不俗，打下強心針。