區新明出碟林海峰Sing援
唱作人兼前DJ區新明（Joey）曾組過「小島」、「凡風」及「新青年」樂隊，移民溫哥華的他數年前返港，去年為樂隊比賽擔任評判，重燃創作之火！80年代加入樂壇的他，今年重返香港樂壇兼推出首張個人大碟《胡亂唱》，享受錄歌過程：「錄好最後一首歌後，我攬住老婆送嘅結他瞓喺梳化合埋眼，朋友問我做乜，我話：『我歎緊囉！』」除了收錄新歌外，新碟還收錄不少舊歌：「朋友話買到復刻王，不過啲聲唔夠靚，今次重新編曲，用依家嘅彈奏方法同錄音技術，幾新鮮！」
Joey更請得林海峰、Joey Tang及Swing的Jerald一起Jam歌：「《齊齊整整》當年收錄喺軟硬大碟度，冇Plug到，今次邀請林海峰一齊Jam，佢一口就應承！」他將於下月舉行音樂會，暫定溫拿及Joey Tang等做嘉賓，屆時或大爆好友秘密！
區新明首度推出個人專輯，興奮又緊張！