陳佩思改名炎茜癲出位
踏入新一年，無綫藝員陳佩思（Pancy）改名「炎茜」，決心擺脫兒童節目主持形象，轉行大笑姑婆路線：「朋友幫我改花名『彭茜』，我想改個搞笑啲、爆啲嘅名，所以就叫做『炎茜』！陳佩思呢個名太斯文，我嘅目標係做吳君如！入行8年諗通咗，唔會介意扮醜、扮癲，依家傾緊齣舞台劇都係做呢類型角色！」
Pancy早前到台灣公幹，趁機在當地旅遊兼享受駕駛樂：「我膽粗粗諗住租電單車玩，不過我唔係有好多經驗，未上過公路，所以最後只係租咗另一種車，最快都係行30公里！」她笑言駕車期間被單車爬頭，又因為車速太慢要冒雨返酒店：「睇住啲雨嚟緊都快唔到，好在返到酒店先落大雨咋！」
炎茜不怕扮醜扮喪，最怕停滯不前！
台灣是美食天堂，炎茜自然大飽口福。