黃智雯頂撞阿姐缺氧手震
憑劇集《搜下留情》「鵪鶉妹」彈出的港姐黃智雯（Mandy），最近在新劇《居家兵團》中飾演汪明荃（阿姐）的女兒，角色反叛，經常與阿姐鬥嘴。問到Mandy有沒有畀阿姐鬧？她說：「冇喎！其實阿姐好好人o架！唔惡o架！佢仲好玩得，又好肯提點我哋點做戲。劇中我哋經常鬧交，佢有時仲嫌我唔夠惡，提我點樣鬧佢添！」
Mandy猶記得最激的一場戲：「嗰場戲係講阿姐發現我做咗第三者，發晒癲咁鬧，我又駁嘴死撐，我好少拍呢啲咁激昂嘅戲，拍完好似缺氧咁，仲不停咁手震。」劇中戀上有婦之夫王浩信的Mandy說：「自己未試過呢啲關係，亦唔會畀佢發生，唔鍾意呢啲咁複雜嘅關係。」
黃智雯由「鵪鶉妹」變成反叛女孩。
黃智雯大讚汪明荃好人，更樂意提點後輩。