Debby澳洲遊歷體驗生活
妄攝女Debby（曾麗儀）計劃孭起背囊，於農曆新年後到澳洲遊歷，走遍各大城鎮體驗生活，實行「行到邊做到邊」，她說：「我唔會帶好多錢，希望周圍打吓工，做吓侍應同Sales，唔介意辛苦，可能做埋清潔o架！」她表示最嚮往當地的農村及酒莊生活，感覺樸實，與香港截然不同。
Debby毅然出走，必定令Fans牽腸掛肚，但她卻很灑脫，問到最留戀的是甚麼？她說：「冇o架！咁我會返嚟o架嘛！（去幾耐？）我想去一年，不過年中嗰陣哥哥會結婚，所以大約半年後都會返一返嚟！（愛犬喵喵點算？）會交畀家姐照顧，唔驚佢唔記得我，我由細睇到佢大o架！」此外，她亦希望在澳洲玩跳傘，坦言是其兒時夢想。
Debby決定離開香港一段長時間，Fans要強忍相思之苦了。
Debby希望做旅遊節目主持，最想到埃及、西藏及希臘探索歷史。