徐子珊遺憾冇親熱

徐子珊與型男爸爸方中信在新劇結緣，雖是首度合作，但子珊已大讚對方幽默、沒有架子，合演情侶更是夢寐以求。

兩年前拍攝的劇集終於面世，女主角子珊興奮不已，於劇集《仁心解碼》飾演患有思覺失調的警察，為投入角色，子珊拍攝前特別上網找資料，並坦言在現實生活中她亦是思覺失調患者，「病發」時便會自我收埋。

與方中信首度合作，子珊即狂讚不已，她說：「方中Sir好搞笑、幽默、好型又Keep得好，好榮幸可以同佢合作，開頭見到佢會有啲緊張，話晒佢喺內地咁有知名度，咁多嘢做，但竟然返嚟拍劇，我又唔識佢，後來見佢講個女，就覺得佢係一個Family Man囉！」雖然方中信貴為前輩，但子珊坦言他樂意分享演戲經驗，又不時教她待人處事，可謂獲益良多。

子珊更笑指有幸合演情侶，實在是夢寐以求，不過親熱場面欠奉，求婚戲亦只以錫面交代，難怪伊人失望地說：「希望下次有機會啦！得不到是最好的，不過對住佢真係唔會諗到浪漫兩個字，佢成日開口埋口講個女，你話係咪冇晒Fantasy（幻想）先？」

拍劇撻生魚受傷

談到拍攝難忘事，子珊透露有場戲是被匪徒綁手綁腳禁錮，由於要從椅上掙扎跌落地，為免鏡頭穿崩，結果在沒有保護的情況下，惟有硬着頭皮「撻生魚」，結果瘀傷收場。幸好監製亦有甜頭給她，讓她嘗試開電單車，沒有電單車牌的她說：「我即刻向方中Sir偷師，學識咗上落車點型，有場戲方中Sir喺後面攬住我揸車，嗰時都不知幾有《天若有情》Feel。」