糖妹Kandy恨拍拖專吼大男人

組合糖兄妹於今年樂壇頒獎禮大豐收，尤其在《十大中文金曲頒獎典禮》中勇奪新人金獎，成績斐然！「糖妹」Kandy樣子甜美，火速成為宅男新寵，她卻自爆對「大男人」情有獨鍾。

新進唱作組合糖兄妹今年成績不俗，在剛過去的樂壇頒獎禮中擸了多個新人獎座，與另一組合C AllStar勢均力敵，問到會否擔心外界將他們作比較，Kandy說：「我哋冇諗過勁敵呢樣嘢，總之畀公司交代，大家有獎都開心！」問到是否賺了錢？她說：「賺多咗經驗，錢就唔算賺好多，依家最緊要畀外界認識我哋，要鋪長線！」

想為鄧麗欣寫歌

糖兄妹自言想法古靈精怪，Kandy表示想為鄧麗欣寫歌：「唔知佢會唱成點，但我想試吓，希望起化學作用！」而她更視台灣音樂才女范曉萱為偶像。嬌小玲瓏的Kandy，樣子甜美，外貌激似陳慧嫻，問到是否恨拍拖？她說：「我想拍拖o架！依家有暗戀對象。（高大靚仔？）我鍾意大男人，因為我本身係大女人。（你好主動？）係o架！我好上進，自己鍾意梗係要爭取，性格使然！（似陳慧嫻？）卸妝都似，我覺得同佢好似失散咗嘅姊妹咁，要登『尋人廣告』。」