OctoBeez舞入樂壇要3得

踏入2011年，周秀娜師妹組合OctoBeez許下承諾，誓要睇得、唱得兼跳得，三人已整裝待發迎接新挑戰，「Get Set！Go！」

跳唱組合OctoBeez三位成員Hazel（徐熙素）、Hidy（余曉彤）及Rika（王麗嘉）去年以新八模之名出道，其後以熱舞殺入樂壇，有不少出騷機會，短短大半年經歷不少。新一年三人齊聲表示要更上一層樓，令組合打響名堂，Rika說：「時間過得好快，好感恩有咁多機會！我哋會繼續努力學唱歌同跳舞，唔會辜負大家！」人多往往會出現意見不合，但Hidy表示她們都懂得互相體諒，故絕對沒有不和：「我哋都好直，有咩意見都會講出嚟，唔會有心病，而且我哋三個性格唔同，可以互補不足。」

新年新願望

除了希望跳唱出色外，三人亦各有新年目標，Hidy希望可以闖內地搵銀：「我哋有計劃打入內地市場，同埋想拍多啲廣告！另外舊年多咗病，希望要健康！」舞技不俗的Hazel則希望擔正跳舞電影，並視荷里活性感尤物謝茜嘉艾芭為目標：「想好似佢咁主演一套跳舞電影，呢個係我夢想！（學佢咁Sexy？）都好呀！」在加拿大長大的Rika，希望建立有型兼Sexy的形象，亦想抽空返多倫多見家人。感情方面，有男友的Hazel及Hidy希望能兼顧事業與愛情，而單身的Rika則說：「隨緣啦！見到人哋咁Sweet都會羨慕，但冇得勉強！」