馬浚偉麥長青圍埋講女
馬浚偉於新劇《紫禁驚雷》中，飾演武功了得的御前侍衞，故拍攝時經常要揮刀與對手對打。向來專業及認真的他，開拍前專誠拜師學武。日前，他與馬國明拍攝一場打戲時，不慎弄傷手指公：「我隻右手手指公已經第五次被擊中，依家腫咗！不過冬天拍攝動作戲，好過夏天拍，可能我怕熱！依家啲戲服好厚，唔會好凍！」
此外，馬浚偉表示拍攝此劇十分開心，除了劇本及導演好外，一班男演員閒時圍在一起喪傾：「麥長青、張松枝同胡諾言都生晒小朋友，大家圍埋唔係講女人就係講湊仔經！（你未有資格講湊仔經！）咁講女人經我咪搭吓嘴，吸收吓啲湊仔經驗先囉！」
馬浚偉（右）揮刀與麥長青比試，殺氣甚重。
馬浚偉（左）及麥長青趁空檔拿着手機研究。