樂壇新人梁佑嘉（Abella）將與鄭欣宜同在本月推出處女碟，問到會否以對方為假想敵，她說：「唔會！想同佢一齊努力，我覺得佢多才多藝，跳舞好睇。（你嘅賣點？）不拘小節、爽朗！（個樣呢？）唔覺得有咩特別，我唔係典型玉女，順眼啩！」感情方面，她希望找個懂功夫、懂音樂又高大的男友。
提到師兄張繼聰，她說：「完美，瓣瓣掂，唱歌、作曲、填詞、MC、轉數快、EQ高，答問題時好有自己睇法！（同門嘅王若琪呢？）我同佢幾Friend，凌晨三點都會傾電話，講心事！」
梁佑嘉自言不拘小節及爽朗是其最大賣點。
