Chrissie拍戲滿足偷食慾
周秀娜（Chrissie）昨日聯同羅仲謙、楊梓瑤（Carol）及導演葉念琛出席電影《婚前試愛》祝捷會，Chrissie希望導演開拍續集，更坦言該片引起她偷食之慾：「拍完都心郁郁！（現實中有冇？）唔得啦！同男友好穩定，戲內都試咗，過足戲癮喇！」她透露拍戲時不介意性感：「如果拍出嚟個感覺係好嘅，同埋劇情需要都唔介意。（下次半裸？）唔知o架！到時先算啦！」
Chrissie自爆男友睇戲時注意男演員身材：「佢比較自戀同注重自己身形，所以佢睇啲男仔大唔大隻，睇完話要操Fit啲。（睇Carol？）唔知呀！我哋唔係一齊睇。（讚你？）我對自己有信心，對身形都滿意。」而Carol被問到若拍續集時會否更大膽，她說：「依家仲學緊演戲，到時睇劇情需要啦！好多嘢未拿捏到，如果咁樣再激啲嘅話，驚會令大家失望。（為藝術犧牲？）等自己有信心先啦！仲係學習中。」
羅仲謙被周秀娜（右）和Carol翹實，艷福不淺！
葉念琛（右二）鍊波時，嚇到Carol（右一）和周秀娜彈開。