林保怡視帝價斟新約
早前林保怡當選「亞洲視帝」後投訴遭無綫冷落，昨日他與「無綫視帝」黎耀祥及謝雪心等出席《無綫節目揚威國際祝捷會》時，獲總經理陳志雲逐一頒獎，問到兩位視帝哪個威？二人異口同聲笑說：「唔講呢啲嘢！」
陳志雲強調無綫並非待薄林保怡：「佢明嘅。（呵番佢？）佢都冇受傷，唔需要，可能佢未必知道呢個記者會以往都係1月舉行，如果唔重視，就唔會提名演員啦！」問保怡是否順番條氣，他說：「咁遲到好過冇到。（幾時約滿？）6月，依家傾緊約。（會唔會換嘢？）呢個獎點換呀！呢個獎由好多國際評審評出嚟，絕對唔換得，我好坦白，最緊要係錢同自由度。（加到視帝價？）好呀！我仲要計埋香港嘅通脹！」
林保怡（左起）、謝雪心與黎耀祥在祝捷會上晒獎，笑逐顏開。
陳志雲（右起）舉杯恭賀兩位視帝黎耀祥及林保怡。