古天樂扮盲為JJ按胸
在賀歲片《最強囍事》中，古天樂扮演乸型神級化妝師，賈曉晨（JJ）為測試其性取向，不惜以「事業線」夾眉掃施誘，而古仔則為她按摩胸部，當堂「硬晒軚」！古仔說：「按胸真係有啲尷尬，但劇情上又啱o架喎！咁我咪惟有扮盲人按摩師，大家當笑料睇囉！」JJ則說：「我知古生怕尷尬，佢埋位前都有同我講一陣Roll機會點做，叫我有乜唔對路就即刻嗌唔好喎！」
另外，杜琪峯前晚出席《以色列電影節》開幕酒會時透露，正籌備到香格里拉拍攝新片，而古仔則是男主角：「古仔就唔知有冇問題喇！呢度又唔妥、嗰度又唔妥，佢隻腳有事，點知會唔會上到去心臟o架！」另外，對於新片被指抄襲澳洲短片，他說：「佢話抄咪抄囉！冇所謂，我都有睇過套短片，你問我實話唔似o架！其實係兩樣嘢，冇需要抄人啲嘢囉！」
古天樂按摩按到反白眼，難得JJ忍到笑！
杜琪峯計劃到香格里拉拍新片，並邀古仔合作。