離港攻美工作量跌 Jessica C.回歸放「峰」搶生意
以「警鐘胸」成名的混血女模Jessica C.（JC），早前闊別三個月到美國發展，昨日出席返港後首個活動，還無懼6℃寒風，以性感打扮上陣騷警鐘胸。
打算向影壇發展
身穿低胸短裙扮海盜的JC，即場與小朋友合照，不時烏身晒豐滿上圍，她受訪時表示勁緊張：「我去咗美國三個月，太耐冇見大家！（喺美國有冇好消息？）我簽咗一間電影嘅經理人公司，想向演戲方面發展。喺香港留到三月後就會返美國。」她承認因離港而令收入及工作量下降，希望屆時能做到港美兩邊發展。問到會否怕被其他模特兒取代？JC說：「我同其他模特兒有唔同想法，我會盡力做到最好。（警鐘胸冇人可取代？）我喺美國都冇露警鐘胸。」另外，她早前為內衣品牌Wacoal拍攝一輯新廣告，穿上紅色內衣展示火辣身材。
Jessica C.拍攝新一輯內衣廣告，盡騷火辣「警鐘胸」。
Jessica C.變身海盜，俯身與小朋友合照。
Jessica C.回歸香港即性感開工，明顯想搶回流失的工作機會。