Tina半裸舞鬥Rainbow

o靚模組合冬甩為配合勁歌熱舞路線，最近進行改組，加入有舞蹈底子的師妹Tina。17歲的Tina擁有養眼的42吋長腿，連師姐Rainbow也大讚有前途！

冬甩踏入新一年即進行換血，加入年僅17歲的Tina（林天）、配合舊成員Rainbow（胡心諾）、Caroline、Vilian、Sweet及Ar Yu繼續Sell青春，將有勁歌熱舞演出。至於身材不俗的Irene退下火線，經理人Admond表示Irene個性文靜，較適合做平面Model，強調並非雪藏她。

拒輟學做Model

Tina本身是冬甩師妹組合Fantasy的成員，今次升呢，證明備受公司睇好。身高170cm的她，力Sell高挑身材及長腿，三圍34B、25、36，連Rainbow亦對她讚不絕口：「佢好有天分，有跳舞底子，嚟緊我哋都會跳舞，希望組合會帶出新感覺。（唔捨得Irene？）都係呀！不過我哋仲係好朋友，而且實有機會合作。」Tina入行雖然只得3個月，但已大受龍友歡迎，經常獲邀以不同造型拍照，仍是學生的她表示會努力分配時間，但不介意行性感：「我媽咪都見過公司嘅人，所以好放心。（輟學做Model？）唔會咁諗！我會好好兼顧先。（性感尺度？）冇所謂，最緊要睇造型，半裸都OK！」

文：影視組