梁廷鏘涉姦案甩身 寇鴻萍信法律公平

寇鴻萍老公梁廷鏘去年6月捲入涉嫌非禮及強姦o靚模案件，昨日警方決定無條件釋放他，他毋須再到警署報到。寇鴻萍表示對老公充滿信心。

現年63歲的梁廷鏘去年6月捲入一宗涉嫌非禮及強姦案，被中區警署重案組拘捕，期間，他多次到中環警署報到，太太寇鴻萍事後甚少在公開場合露面，還刻意迴避記者。昨日警方發言人表示，一名63歲男子前日返回中區警署報到，獲無條件釋放，毋須再到警署報到。

感激朋友不離不棄

記者致電寇鴻萍，被問到是否鬆一口氣，她說：「我冇嘢可以講，多謝大家，老公交帶落唔可以講任何嘢，如果講得會發聲明。（鬆一口氣？）一直以來都差唔多。（一直相信老公？）做夫妻一定都會信任，雖然依家唔可以講啲乜，但對所有祝福都好感謝。（唔可以講，係咪會有法律行動？）唔清楚。（老公被捲入案件期間，身邊好多人離棄你哋？）冇朋友離棄，佢哋都對我哋好好，甚至好多唔係咁熟嘅朋友會喺Facebook慰問，但對某啲傳媒失去信心，亂咁寫，寫我哋對人歡笑背人愁，我冇嬲，但我好失望，我由第一日就講件事會水落石出，相信法律係公平。」

而梁廷鏘兒子梁作華在電話中表示剛由內地返港，還未與爹哋聯絡：「我有聽爹哋講過吓，但詳情唔清楚，等我了解吓先再講。」

另外，唐貝詩上周日在微博上寫「Justice」，似要事先暗示父親梁廷鏘獲得公平的判決。唐貝欣亦同時上載了公公的生日，全家福的照片，透露全家開心慶祝。

文：名人組