阿Sa撐William成熟望做媽咪

蔡卓妍（阿Sa）昨日擔任琉璃展活動嘉賓，即場跟大師學做琉璃擺設，雖然她跟住做，但仍大呼很難學！大會更安排玄學家吳佩孚為她預測流年運程，批肖狗的她事業愛情皆得意，29及30歲最有機會做媽咪，今年更有物業運，阿Sa開心地說：「即刻兩眼發光添！」不過，玄學家提醒她今年會有小損傷，最好捐血或洗牙化解。

對於被批30歲最大機會做媽咪，現年28歲的阿Sa表示會順其自然：「邏輯上應婚後先生BB，希望35歲做媽咪！（陳偉霆夠成熟做爸爸？）有陣時都幾成熟o架！佢都係一個幾好嘅對象！（傾過生BB？）正常拍拖都會傾吓講吓嘅！不過條路點行，好多時都係天安排！」

讚未來奶奶Nice

對於日前陳偉霆（William）言語間似暗示同居？阿Sa強調沒有同居：「我哋各自同屋企人住！（William爆你同佢媽咪投緣？）伯母都好Nice！（將來少咗婆媳糾紛？）我哋講嚟講去，都係講佢（William）啫！」