鍾嘉欣被催婚:快o架喇

鍾嘉欣昨日穿粉紅色旗袍,到九龍灣出席商場賀年活動,與Fans大玩遊戲及寫揮春。她表示大年初一起有三日假期,但因家人不返港,故只好到朋友家「黐溫暖」:「每逢節日都好掛住屋企,我驚我今年有『思親病』呀!好希望可以成家人去旅行,因為我16歲之後都冇試過喇!」

對於有指林峯被家人逼婚,嘉欣說:「唔知喎!不過都到適婚年齡啦!(去佢屋企拜年?)唔會!」問到何時派利是?嘉欣自爆早前出席家姐的婚宴,令她有衝動結婚:「我都想快啲嫁,可惜搶唔到花球,希望到時可以好大方咁話我結咗婚。(媽咪催婚?)有呀!我話我已經好盡力!應該快o架喇!」

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

鍾嘉欣坦言想盡快出嫁兼派利是。