陳偉霆爆同居猛兜

早前患重感冒的陳偉霆（William），自爆回家都會戴口罩，絕不擔心傳染女友蔡卓妍，此言即惹起同居疑雲，他自知失言後即狂兜指各有自由，暫不打算同居！

昨日William舉行新碟祝捷會，大破慳囊包場請逾百名歌迷食火鍋，火鍋店送上魚頭及牛尾，寓意他年頭旺到年尾。他見到牛尾即笑說：「唔係牛鞭都好好。」William表示未知準確銷量，只知已逼近金唱片數字。問到百人宴是否由他作東？他勒緊荷包說：「公司好錫我，應該有贊助，我冇帶銀包，我專登放喺車度。」他還透露稍後要到內地拍電影，逗留約兩個月，故即使衝破金唱片數字，相信也沒有時間再慶功。

William更表示大病初愈，早前因患重感冒要服類固醇開聲，問到有否傳病菌給女友蔡卓妍（阿Sa）？他肯定地說：「絕對唔會，因為我返屋企都戴口罩！」記者指他這番話會惹起同居揣測，他即時兜番：「你哋誤會喇！每對情侶都有自由，但我暫時唔會（同居）住。」雖然同居見面時間更多，但William稱他倆各有家人要陪伴。

歌迷接受戀情

問到阿Sa有否見過其母，William直言見過多次，兩人相處融洽：「佢哋好Friend，阿媽同女友好好傾，仲好傾過我。」問到是否經常帶女友回家？他卻說是阿媽帶他見阿Sa多。至於歌迷是否接受？William又自豪地說：「我問過好多次，佢哋冇一次話唔好喎！」