不滿被指拖垮收視 廖碧兒擬發律師信
最近有報道指汪明荃(阿姐)認為新劇《居家兵團》收視低全因廖碧兒形象差,昨日她出席宣傳活動時澄清:「我冇接受過嗰本雜誌訪問,連電話訪問都冇!(話廖碧兒拖累?)黐線咩!觀眾唔會因為咁而唔睇,而且撞正大時大節,咁嘅收視率差唔多喇!」
至於廖碧兒亦對報道感憤怒,強調未有接受該雜誌訪問,並準備發律師信:「大家所講嘅最低收視22點唔係平均收視,而且撞正除夕,之後都有升番!(緋聞男友林忠豪知唔知?)佢唔知,係親戚叫我出律師信,呢啲係身為一個人要做嘅嘢,係對自己好。」同場的鄭嘉穎玩湊仔遊戲時不慎露「毛」,全場嘩然,事後他說:「我抱住個『小朋友』,所以睇唔到。」
廖碧兒與鄭嘉穎被綑在一起時,不約而同以雙手隔開身體。
鄭嘉穎「湊仔」時扯高上衣,露出肚皮。
阿姐派海報時大受現場觀眾歡迎。