周秀娜蜜遊泰國氹男友

早前有指周秀娜因公開大讚蕭敬騰而激親男友，昨日她身穿紙製旗袍出席活動時，自爆將於農曆新年與男友遊泰國，但否認因對方呷醋而箍煲！

周秀娜（Chrissie）昨日在MCP新都城中心出席《大紅．大"紙"桃花園》，身穿紅色紙藝浮雕旗袍的她，大騷修長美腿及3吋事業線，吸引不少龍友圍觀，她笑說：「第一次着紙製旗袍，換衫之前去定廁所，着咗之後郁唔到又坐唔到，一定要企，紙造嘅女人比水造嘅女人更脆弱！」她表示很喜歡那件旗袍，即使花1小時去穿也值得！

唔信婷婷嫌棄

她又表示農曆新年已向公司請假，屆時將與男友及朋友到泰國拜神，問到男友是否因她公開讚蕭敬騰而呷醋，所以要箍煲？她即澄清向來有拜神習慣：「都係以欣賞角度讚啫！合作拍戲，唔關事。（會唔會避忌？）唔會避，所有工作人員都好照顧我，佢係其中一個。」

對於有傳謝婷婷拒絕與她合作，她表示沒有聽過，亦不相信婷婷會那樣說話：「我哋喺活動上都有打招呼，唔知點解會有呢啲傳聞。（有冇不和？）大家唔會唔啱，各有各做。（私底下有冇聯絡？）私底下冇，因為工作上少接觸。（嬲？）唔會，我覺得佢好大方得體，我哋一齊上過演戲Course，都有傾偈。（唔開心？）唔會。」