鍾舒漫配合新歌「紅」運當頭

英皇歌手鍾舒漫(Sherman)昨日以新髮型示人,右邊「的水」位置染上紅色勁搶鏡!她表示特別為全新快歌而改變形象:「我整完個頭後,即刻放咗張相上微博,有好多人留言,其中九成半人都係讚!雖然都有人會唔太鍾意,但唔使怕喇!頭髮可以再生,我鍾意成日改變吓,我個妹仲話好似佢添!(新歌有性感舞步?)差唔多開始排舞,性唔性感就未知,但想有型格多啲。」

活動於早上舉行,Sherman自爆電話的鬧鐘功能失靈,因而險些遲到,幸好同事來電,最後以十五分鐘極速出門口,她說:「其實已經試過幾次唔響,仲搞到遲到,睇嚟真係要的起心肝買個大鬧鐘先得!」

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

Sherman(左)新髮型大玩型格,「的水」染上超Sharp紅色。